Qallunaat Nunaanni Kalaallit Nunaannilu Ujarassiuut Misissuisoqarfiat    De Nationale Geologiske Undersøgelser for Danmark og Grønland The Geological Survey of Denmark and Greenland

Qallunaat Nunaanni Kalaallit Nunaannilu Ujarassiuut Misissuisoqarfiat, (GEUS) tassaavoq Avatangiisinut Ministeriaqarfik ataani ilimatusarfittut siunnersuisarfittullu inissisimasoq. Misissuisoqarfik Qallunaat Nunaanni Ujarassiuut Misissuisoqarfiata (DGU, 1888-mi pilersinneqarsimasoq) Kalaallit Nunaannilu Ujarassiuut Misissuisoqarfiata (GGU, 1946-mi pilersinneqarsimasoq) kattunnerisigut 1995-mi pilersinneqarsimavoq.
Misissuisoqarfimmi suliarineqartut pingaarnerit tassaapput: Nuna, Imeq, Nukissiuutit, Aatsitassat Avatangiisillu oqaluttuarisaanera. GEUS-p suliatut pingaarnertut ingerlatassarai pasissutissanik katersuineq nunamillu assiliorneq. Taakkualu saniatigut ilisimatusarneq, siunnersuineq kiisalu Qallunaat Nunaata Kalaallit Nunaata Savalimmiullu naalagaaf-feqatigiinnerisa akornani pinngortitap  pisuussutaanik iluaqutiginninniarnermut illersuiniarnermullu pingaaruteqartunik, atortussiallu pinngortitamilu pissutsit taakkulu imminnut ataqatigiinnerinik ilisimasaqarnerup annertusarnissaa siunertaralugu paasissutissiisarneq ingerlanneqartarpoq.
Misissuisoqarfiup imeqarniarnermi, aatsitassiornermi, aatsitassarsiornermi nukissiutinillu (uulia, qassi, aamarsuit nunap kissaanik) ujarlernermi qalluinermilu, aatsitassanik saviminissanik, avatangiisit oqaluttuarisaanerannik, silap pissusaanik pinngortitallu illersornissaanut ilisima-tuusarluni misissuinerit siunnersuisarnerillu suliarisarpai. Misissuisoqarfik ilisima-tusarnernik annertuumik avataanit anin-gaasalersugaasunik ingerlataqarpoq, soorlu EU-p qallunaallu tamakkununnga anin-gaasaateqarfianit. Taassumalu saniatigut pisortat namminersortullu suliffeqarfiinit avatangiisinut, nukissiutinut aatsitassar-siornermullu tunngassuteqartunik naalagaaffeqatigiinnerup iluani nunanilu allani isumaqatigiissuteqarluni suliassiissutit.